Sito più o meno ufficiale dell'insegnamento della lingua italiana
Sito più o meno ufficiale dell'insegnamento della lingua italiana
Stefano Protonotaro
PIR MEU CORI ALLIGRARI
Pir meu cori alligrari,
Chi multu longiamenti
Senza alligranza e joi d’amuri è statu,
mi ritornu in cantari,
ca forsi lenimenti
da dimuranza turniria in usatu
di lu troppu taciri;
e quando l’omu ha rasuni di diri,
ben di’ cantari e mustrari alligranza,
ca senza dimustranza
joi siria sempri di pocu valuri:
dunca ben di’ cantar onni amaduri.
E si pir ben amari
Cantau jujusamenti
Omu chi avissi in alcun tempu amatu,
ben lu diviria fari
plui dilittusamenti
eu, chi son di tal donna inamuratu,
dundi è dulci placiri,
preju e valenza e jujusu pariri
e di billizzi cutant’abundanza
chi illu m’è pir simblanza,
quando eu la guardu, sintir la dulzuri
chi fa la tigra in illu miratori;
chi si vidi livari
multi crudilimenti
sua nuritura, chi ill’ha nutricatu:
e sì bonu li pari
mirarsi dulcimenti
dintru unu speclu chi li esti amustratu,
chi l’ublïa siguiri.
Cusì m’è dulci mia donna vidimi:
ca ’n lei guardando mettu in ublïanza
tutta autra mia intindanza,
sì che istanti mi feri sou amuri
d’un colpu chi inavanza tutisuri.
Di chi eu potia sanari
Multu leggeramenti,
sulu chi fussi a la mia donna a gratu
meu sirviri e pinari;
m’eu duttu fortimenti
chi, quando si rimembra di sou statu,
nun li dia sisplaciri.
Ma si quistu putissi adiviniri,
ch’Amori la ferissi di la lanza
che mi fer’e mi lanza,
ben crediria guarir di mei doluri,
ca sintiramu engualimenti arduri.
Purrïami laudari
d’Amori bonamenti
com’omu da lui beni ammiritatu;
me beni è da blasmari
Amur virasimenti
Quando illu dà favur da l’unu latu
E l’autru fa languiri:
chi si l’amanti nun sa suffiriri,
disia d’amari e perdi sua speranza.
Ma eu suffru in usanza,
ca ho vistu adess’a bon suffirituri
vinciri prova et acquistari unuri.
E si pir suffiriri
Ni per amar lïalmenti e timiri
Omu acquistau d’amur gran beninanza,
digiu avir confurtanza
eu, chi amu e timu e servivi a tutturi
celatamente plui chi
autru amaduri.
Nessun commento:
Posta un commento